Hopp til toppmenyen på siden Hopp til hovedinnholdet på siden

Doarjja čázehuhttimii – ohcan

Ulbmil čázehuhttimiin dahje rábarokkiid goaivumiin lea buoridit kvalitehta ovdalaččas  goivojuvvon dahje drenerejuvvon  eanandoalloeatnamiin.

Govvádus

Ulbmil čázehuhttimiin dahje rábarokkiid goaivumiin lea árvvohis čázi golggahit eret ja nu buoridit kvalitehta ovdalaččas goivojuvvon eanandoalloeatnamiin – vai buorránivččii sihke šaddu ja biras.

Bures čázehuhtton eanan lea dehálaš jus galgá leat buorre šaddu. Stuora oassi Norgga gilvvaeatnamiin lea beare hejot čázehuhtton ja goivojuvvon. Dát mielddisbuktá heittot šaddoeavttuid šattuide ja dávjá maid váttis šaddorádjama. Boađusin lea unnit šaddu heajut kvalitehtain. Hejot goivojuvvon eanan dagaha riska billistit eatnama ja manahit  biepmusávdnasiid čáziide ja ahte klimagássaid luitojuvvojit áibmui.

Doarjja ii sáhte addot jus goaivun mielddisbuktá

  • ahte earáid opmodat dahje luondu  billahuvvá sakka
  • ahte šaddá várra sakka dulvat ja nuoskkidit čáziid
  • ahte sáhttá billistit iešalddes ráfáidahttojuvvon kulturmuittuid

Doarjja ii sáhte addot jus doaibma lea álggahuvvon ovdalgo doarjja lea juolluduvvon.

Ulbmiljoavku

Eananeaiggát dahje fitnodat guhte láigoha eanandoalloeatnama mii ovdal lea goivojuvvon, ja masa dárbbaša ođđasis goaivut rávarokki dahje čázehuhttit.

Gihppagat, áššebáhpárat, kárttat ja eará

Ovttasbargit

Kulturmuitoeisseválddit (Fylkkasuohkana ja Sámedikki kulturmuitohálddašeaddji) galget addit cealkámuša go roggandoaibma sáhttá guoskat beroštumiide mat leat sin fágasuorggi siskkobealde.

Bagadus - mo čađahit dahje oažžut bálvalusa

Go ozat doarjaga, de ferte geavahit skovi maid Eanandoallodirektoráhtta (Landbruksdirektoratet) lea ráhkadan (vuolábealde lea njuolggogeaidnu dasa). Juolluduvvon doarjja máksojuvvo go duođaštat ahte eanan lea goivojuvvon. Goaivun ferte čađahuvvot golmma jagi sisa dan rájes go doarjja juolluduvvo.

Váidalanvejolašvuohta

Suohkan dahje gielda meannuda ohcamuša. Jus it leat duhtavaš mearrádusain, sáhtát váidit suohkanii ovdal áigemeari, namalassii golmma vahku sisa, dan rájes go oaččut mearrádusa. Čilge mainna leat duhtatmeahttun ja manne oaivvildat ahte mearrádusa galgá rievdadit. Jus dárbbašat bagadallama, sáhtát váldit oktavuođa suohkaniin. Jus suohkan doalaha iežas mearrádusa, de sáhtát váidit viidáset Fylkkamánnii.

Tjenesten oppdatert: 11.05.2020 15:30