Registrerejuvvon osku- ja eallinoaidnosearvegottit sáhttet gáibidit stádas ja suohkanis ruhtadoarjaga. Suohkana doarjja rehkenastojuvvo dan vuođul man olu suohkana bušeahtas lea várrejuvvon Norgga Girkui, juhkkojuvvon stádagirkomiellahtuid vuođul. Ohcamuš suohkanii ja stádii sáddejuvvoba ovttas.

Osku- ja eallinoaidnosearvegottit

Jus galgá oažžut suohkanis doarjaga, de ferte osku- ja eallinoaidnosearvegoddi leat vuoigaduvvon oažžut stádalaš doarjaga. Lea Fylkkamánni guhte mearrida leago osku- ja eallinoaidnosearvegottis vuoigatvuohta oažžut stáda doarjaga. Doarjaga sáhttá ohcat dušše daid miellahtuid ovddas geat eai gula Norgga girkui dahje eará osku- ja eallinoaidnosearvegoddái mat ovdalaččas ožžot doarjaga. Doarjja galgá mannat religiovnnalaš doaimmaide. Eallinoaidnosearvegottiid doarjja galgá mannat doaimmaide mat gullet eallinoaidnosearvegotti doaimmaid vuollai.

Osku- ja eallinoaidnosearvegotti jođihanorgána sádde čálalaš ohcama.

• Organisašuvdnanummir ovttadatregistaris (eanet dieđuid oaččut Brønnøysund-registeris, tlf.: 75 00 75 00)
• Mannan jagi rehketdoallu ja jahkedieđáhus
• Listu mas lea buot miellahtuid riegádannummár geaid ovddas sáhttá oažžut doarjaga. Searvegottiin main leat eambbogo 100 miellahtu, galgá dát listu leat digitálalaččat diskeahtas dahje CD:s

Fylkkamánnii sádde miellahttolistu aktan riegádannummáriiguin Brønnøysund-registarii. Brønnøysund-registaris isket buot riegádannummáriid álbmotregistera vuostá. Addo doarjja dušše daid miellahtuid ovddas geain lea dohkálaš riegádannummár.

Organisašuvdna sáhttá váidit mearrádusa áigemeari siskkobealde mii lea golbma vahku dan rájes go ožžo mearrádusa. Váidda sáddejuvvo dan ásahussii mii lea mearridan ášši. Váidagis galgá boahtit ovdan maid háliidit rievdadit mearrádusas ja ákkastallat dan. Suohkan sáhttá bagadallat. Fylkkamánni meannuda váiddaáššiid mat gusket suohkana mearrádusaide doarjjaáššiin. Ovdal go váidda sáddejuvvo dohko, de galgá dat instánsa mii lea mearridan ášši, árvvoštallat leago ágga rievdadit mearrádusa. Jus mearrádus doalahuvvo, de galgá ášši sáddejuvvot Fylkkamánnii.